شام میں پھنسے 350 پاکستانی لبنان پہنچ گئے

ترجمان دفتر خارجہ کے مطابق شام میں پھنسے350 پاکستانی شہری شام کی لبنان سے ملحقہ سرحد عبور کر گئے۔ شامی سرحد عبور کرنے والے350 پاکستانیوں میں 245 پاکستانی زائرین بھی شامل ہیں۔

وزیراعظم شہباز شریف اور وزیر خارجہ اسحاق ڈار کی ہدایت پر دمشق میں پاکستانی سفارت خانے نے ہم وطنوں کو پاکستان واپسی کے عمل میں سہولت فراہم کی۔

اس کے علاوہ شام میں ڈپٹی ہیڈ آف مشن عمر حیات پاکستانی شہریوں کے ہمراہ سرحد تک گئے۔ لبنان میں پاکستانی سفارتخانے کے ڈی ایچ ایم نواب عادل نے لبنان پہنچنے پر ان پاکستانیوں کا استقبال کیا۔