وی پی این کی بندش کا خطرہ فی الحال ٹل گیا

شزہ فاطمہ نے کہا کہ وی پی این کی ایکٹیویشن کے عمل تک صورت حال جوں کی توں رہے گی۔

وزیرِ مملکت آئی ٹی شزہ فاطمہ کا کہنا تھا کہ ملک بھر میں ڈیٹا سروس مکمل فعال ہے، ڈیٹا سروس پر تمام ایپس 100 فیصد درست کام کر رہی ہیں۔

ان کا کہنا تھا کہ پاکستان میں انڈسٹری براڈ بینڈ استعمال کرتی ہے اسے بند نہیں کیا جاتا۔ موبائل ٹاور پاکستان میں ضرورت سے کم ہیں، اس کی بہتری کیلئے کام کر رہے ہیں۔

انہوں نے کہا کہ جہاں سیکیورٹی کی بات ہو وہاں وزارتِ داخلہ پی ٹی اے کو ہدایت دیتی ہے، وزارت داخلہ کی ہدایت کے مطابق ایکس کو بند کیا گیا۔