وفاق کے بعد پنجاب میں بھی فوج طلب

وفاق کے بعد پنجاب حکومت نے بھی صوبے میں فوج کی مدد طلب کر لی ہے اور اس حوالے سے پنجاب حکومت نے نوٹی فکیشن جاری کر دیا ہے آرٹیکل 245 کے تحت فوج کو صوبے میں طلب کیا گیا ہے۔ نوٹیفکیشن میں کہا گیا ہے کہ صوبائی حکومت کی جانب سے طلب کردہ مسلح افواج کے دستے امن و امان قائم کرنے کے لیے سول ایڈمنسٹریشن کی مدد کے لیے موجود ہوں گے۔

نوٹیفکیشن کے مطابق فوج کی طلبی کا بنیادی مقصد ایس سی او کانفرنس کے لیے انے والے مہمانوں کی موجودگی میں سیکورٹی کو یقینی بنانا ہے۔سول انتظامیہ کی مدد سے مسلح افواج کو سربراہان مملکت کی آمد کے موقع پر متعلقہ ہوائی اڈوں اور ایئر بیسز کے ارد گرد تعینات کیا جائے گا جبکہ معزز مہمانوں کی اقامت گاہوں پر بھی فوجی دستے تعینات ہوں گے۔
نوٹیفکیشن کے مطابق فوجی اہلکاروں کی تعداد کے حوالے سے فیصلہ پولیس حکام کی مشاورت سے متعلقہ کمانڈر کریں گے۔

فوجی اہلکار بوقت ضرورت امن و امان قائم رکھنے کے لیے اسلحے کا استعمال بھی کر سکیں گے۔