سوات میں دہشت گردی کا خطرہ، الرٹ جاری

تفصیلات کے مطابق ڈپٹی کمشنر سوات کی جانب سے دہشتگردی کا الرٹ جاری کیا گیا ہے ، نوٹیفکیشن میں کہا گیا ہے کہ تمام عوامی اور سیاسی اجتماعات ملتوی کئے جائیں، دوسری جانب سوات قومی جرگہ کی جانب سے کہا گیا ہے کہ کل سوات میں قومی جرگہ کی جانب سے امن جلسہ ہونا ہے،امن مارچ حالیہ دہشت گردی اور بدامنی کے خلاف تھا، دہشت گردی کیلئے سوات میں کوئی جگہ نہیں، ہر حال میں امن مارچ ہوگا، سیکیورٹی فراہم کرنا ضلعی انتظامیہ کی ذمہ داری ہے، ضلعی انتظامیہ سیکیورٹی دینے کی بجائے سیکیورٹی کا مسئلہ بنا رہے ہیں، ہمیں اس نوٹیفکیشن پر افسوس ہے، یہ بات کلئیر ہے کہ ہر حال میں آمن مارچ ہوگا، تیاریاں مکمل ہیں۔