گورنر كنڈی اور وزیر اعلیٰ گنڈاپور میں جنگ شدت اختیار کر گئی

اس حوالے سے ملنے والی تفصیلات کے مطابق گورنر اور وزیراعلیٰ خیبر پختونخوا کے درمیان لفظی جنگ کا معاملہ اسلام آباد پہنچ گیا۔  وزیراعلیٰ علی امین گنڈاپور نے  جارحانہ انداز اختیار کرتے ہوئےکے پی ہاؤس اسلام آباد میں گورنر فیصل کریم کنڈی کی انیکسی کو بند کرنے کا حکم دے دیا۔

ذرائع کا کہنا ہے کہ کے پی ہاؤس اسلام آباد میں گورنر خیبر پختون کے داخلے سےمنع کر دیا گیا ، کےپی ہاؤس میں گورنرانیکسی بندکرنےکا فیصلہ ایک ہفتہ قبل کیا گیا تھا۔ وزیراعلیٰ علی امین گنڈاپور 3روز سے کے پی ہاؤس اسلام آباد میں قیام پذیر ہیں۔

واضح رہے کہ گزشتہ روز گورنر فیصل کنڈی نے وزیر اعلیٰ علی امین گنڈاپور کو کھانے کی دعوت دیتے ہوئے کہا تھا کہ گورنر ہاؤس آ کر کھانا کھائیں ہم صوبے کا مقدمہ مل کر لڑیں گے، آپ گورنر راج کا خواب نہ دیکھیں۔ فیصل کریم کنڈی نے علی امین گنڈاپور کو مخاطب کرتے ہوئے کہا تھا کہ میرے دروازے ہر کسی کیلیے کھلے ہیں میں ان کو دعوت دیتا ہوں، اگر وہ مجھے بلاتے ہیں تو صوبے کی ترقی کیلیے میں جاؤں گا، ان کو بتا دوں کہ ہم ساسی لوگ ہیں کوئی غیر قانونی یا غیر آئینی کام نہیں کریں گے۔

The war intensified between Governor Kundi and Chief Minister، گورنر كنڈی اور وزیر اعلیٰ گنڈاپور میں جنگ شدید