چند روز پہلے تک پارٹی چیئرمین کی دوڑ میں شریک رہنے والے پی ٹی ائی رہنما شیر افضل مروت عمران خان سے ملاقات کی اجازت نہ ملنے پر پھٹ پڑے اور پی ٹی آئی کو مردہ گھوڑا قرار دے دیا۔
بدھ کے روز اڈیالہ جیل کے باہر میڈیا سے گفتگو کرتے ہوئے شیر افضل مروت نے کہا کہ عمران خان کی آزادی کے جس ایجنڈے پر میں نکلا تھا ،وہ ایجنڈا اج ختم ہو گیا ۔انہوں نے پارٹی رہنماؤں کا نام لیے بغیر تنقید کرتے ہوئے کہا کہ یہ لوگ اپنا اپنے بیانات دے دیں پھر میں ان کا کچا چٹھا کھولوں گا، ان لوگوں کی وجہ سے جماعت ایک مردہ گھوڑا بن چکی ہے۔
شیر افضل مروت کا مزید کہنا تھا کہ میں تو الیکشن بھی نہیں لڑنا چاہتا تھا لیکن عمران خان کے کہنے پر حصہ لیا۔ مگر کچھ لوگوں نے ہر معاملے میں عمران خان کو گمراہ کیا۔
انہوں نے اعلان کیا کہ میں آج سے ان کے ساتھ کام نہیں کروں گا۔ شیر افضل مروت کا کہنا تھا کہ میرا بھائی کے پی کابینہ کا رکن تھا جسے اچانک ہٹا دیا گیا اگر نہیں رکھنا تھا تو بتا دیتے وہ استعفی دے دیتا۔
شیر افضل مروت نے عمران خان سے ملاقات نہ ہونے دینے کا ذمہ دار پارٹی کے سینیئر رہنماؤں شبلی فراز اور عمر ایوب کو قرار دیا اور کہا کہ میرے اپنے لوگ میری ٹانگیں کھینچ رہے ہیں ۔ان کا کہنا تھا کہ مجھے اب اس ریس سے باہر سمجھا جائے۔ مجھے کوئی چیئرمین نہ بنائے۔ پارٹی تو مردہ گھوڑا بن چکی ہے میں اب اپنی ذات کی بے توقیری برداشت نہیں کروں گا۔
Shirafazl Marwat disappointed.Called PTI a dead horse, مروت حالات سے مایوس۔ پی ٹی ائی کو مردہ گھوڑا قرار دیدیا
