الیکشن کمیشن کے حکم پر آئی جی- ڈپٹی کمشنر اسلام آبادفارغ

الیکشن کمیشن نے  دونوں اعلٰ افسران  کے خلاف سیاسی جماعتوں کی جانب سے شکایات پر انہیں فوری طور پر عہدوں سے ہٹانے کا حکم دیا تھا تاہم  واضح احکامات کے باوجود عہدوں سے نہ ہٹائے جانے پر الیکشن کمیشن نے سیکرٹری اسٹیبلشمنٹ کو 26 دسمبر کو طلب کر رکھا تھا۔

اب اسٹیلشمنٹ ڈویژن کی جانب سے جاری اعلامیے میں بتایا گیا ہے کہ آئی جی اسلام آباد اکبر ناصر خان اور ڈپٹی کمشنر اسلام آباد عرفان نواز میمن کو عہدوں سے ہٹا دیا گیا ہے۔

نگران وزیراعظم انوار الحق کاکڑ کے سیکرٹری خرم آغا کی جانب سے سیکرٹری اسٹیبلشمنٹ ڈویژن کو لکھے گئے مراسلے میں کہا گیا ہے کہ آئی جی اور ڈی سی اسلام آباد کی جگہ تعیناتی کیلئے پینل آف آفیسرز تجویز کیا جائے۔

دوسری طرف نگران وزیراعظم نے احد چیمہ کو بھی مشیر کےعہدے سے ہٹانے کی سمری صدر مملکت عارف علوی کو ارسال کر دی ہے اور صدر نے اس سمری کی منظوری بھی دے دی ہے۔واضح رہے کہ الیکشن کمیشن نے احد چیمہ کو عہدے سے ہٹانے کا فیصلہ دیا تھا۔

 IG-Deputy Commissioner Islamabad removed on ECP orders,الیکشن کمیشن کے حکم پر آئی جی- ڈپٹی کمشنر اسلام آبادفارغ