
داربن میں شہید ہونیوالے 23 بہادر جوانوں کی نماز جنازہ ادا
ڈی آئی خان، داربن میں شہید ہونیوالے 23 بہادر جوانوں کی نماز جنازہ ادا کردی گئی ہے۔

انٹر سروسز پبلک ریلیشنز (آئی ایس پی آر) کے مطابق درابن کے علاقے میں دہشتگردوں کے حملے کا
مقابلہ کرتے ہوئے جام شہادت نوش کرنے والے 23 بہادر جوانوں کی نماز جنازہ ادا کردی گئی۔
یہ بھی پڑھیں سیکیورٹی فورسز سے جھڑپوں میں 27 دہشت گرد ہلاک۔23 جوان وطن پر قربان
پاک فوج کے شعبہ تعلقات عامہ کے مطابق نماز جنازہ ڈیرہ اسماعیل خان گیریژن میں ادا کی گئی،
نماز جنازہ میں کور کمانڈر پشاور سمیت حاضر سروس افسران، جوانوں، سول افسران اور عوام کی بڑی تعداد نے شرکت کی۔
آئی ایس پی آر کے مطابق شہداء کو پورے فوجی اعزاز کے ساتھ آبائی علاقوں میں سپرد خاک کیا جائے گا،
مسلح افواج مادر وطن سے دہشتگردی کی لعنت کو ہر قیمت پر ختم کرنے کیلئے پُرعزم ہیں۔