سعودیہ میں پکڑےگئے ہزاروں افغانوں کے شناختی کارڈ منسوخ

وزارت داخلہ نے نادرا کو  ہدایت کی ہے کہ جعلی پاکستانی پاسپورٹس کے حامل ساڑھے 12 ہزار افغان باشندوں کے شناختی کارڈ منسوخ کردیئے جائیں جو گذشتہ دنوں سعودی عرب میں پکڑے گئے تھے ۔

واضح رہے کہ گزشتہ دنوں سعودی عرب میں 12 ہزار افغان شہریوں سے جعلی پاکستانی پاسپورٹس برآمد ہوئے تھے جس کے بعد تحقیقات کے لیے کمیٹی بنائی گئی تھی۔

ایف آئی اے ذرائع کے مطابق کوئٹہ اور پشاور سے ساڑھے 5 ہزار شناختی کارڈ افغان باشندوں کو جاری کیے گئے جبکہ 593 افغانوں کو اسلام آباد سے شناختی کارڈ جاری ہوئے۔تاہم اب وزارت داخلہ نے نادراکو جعلی پاکستانی پاسپورٹس رکھنے والے ساڑھے 12 ہزار افغان باشندوں کے شناختی کارڈ منسوخ کرنے کی ہدایت کر دی۔ایف آئی اے کے ذرائع کا کہنا ہے کہ سعودی عرب میں پکڑے گئے افغانوں کے پاسپورٹ ، شناختی کارڈز منسوخی کے بعد ضبط ہوں گے۔

ID cards of thousands of Afghans caught in Saudi Arabia cancelled,سعودیہ میں پکڑےگئے ہزاروں افغانوں کے شناختی کارڈ منسوخ