طالبان حکومت نےچترال حملے میں ملوث200 ٹی ٹی پی دہشت گرد دھرلئے

ذرائع کا کہنا ہے کہ مذکورہ جنگجوؤں کو کنڑ کی سرحد سے گرفتار کیا گیا۔امریکی خبررساں ادارے کے مطابق یہ کارروائی پاکستانی اور افغان حکام کے درمیان مذاکرات کا نتیجہ ہے جس میں طالبان حکومت سے پاکستانی سرزمین پر حملوں میں ملوث دہشت گردوں کے خلاف کاروائی کا مطالبہ کیا گیا تھا۔

وائس آف امریکہ نے کی اس پیشرفت سے باخبر پاکستانی حکام کے ذرائع کے حوالے سے خبر دی ہے کہ طالبان حکومت  کی جانب سے دہشت گردوں کی سرگرمیوں کو ختم کرنے کے لیے ٹھوس اقدامات کیے جا رہے ہیں۔مذکورہ ذریعے کے مطابق  طالبان حکومت نے گزشتہ ہفتے کابل کا دورہ کرنے والے پاکستانی حکام کے ساتھ مذاکرات میں ٹی ٹی پی کے خلاف کاروائی کی تفصیلات بھی شیئر کی ہیں۔

یہ بھی پڑھئے

https://kohsarnews.com/latest-news/29627/%da%a9%db%8c%d8%a7-%d8%b7%d8%a7%d9%84%d8%a8%d8%a7%d9%86-%da%86%d8%aa%d8%b1%d8%a7%d9%84-%d9%be%d8%b1-%d9%82%d8%a8%d8%b6%db%81-%da%a9%d8%b1-%d8%b3%da%a9%d8%aa%db%92-%db%81%db%8c%da%ba%d8%9f-%d8%a7%d9%81/

خبررساں ادارے کے مطابق پاک افغان حکام کے درمیان یہ مذاکرات 6 ستمبر کو ہونے والے چترال حملے کے دو ہفتے بعد انجام پاۓ۔تاہم پاکستانی حکام کا کہنا تھا کہ ابھی ہمیں کسی نتیجے پر پہنچنے سے پہلے طالبان کو ٹی ٹی پی کے خلاف کاروائی کے لیے وقت دینا  اور انتظار کرنا چاہیے۔

وائس آف امریکہ کے مطابق دوسری طرف افغان حکومت نے خود ٹی ٹی پی کے خلاف کسی کارروائی کے حوالے سے تبصرہ نہیں کیا تاہم پیر کے روز طالبان کے ترجمان ذبیح اللہ مجاہد کا ایک بیان سامنےآیا تھا جس میں انہوں نے کہا تھا کہ افغان حکومت کسی کو بھی اپنی سرزمین پاکستان کے خلاف استعمال کرنے کی اجازت نہیں دے سکتی۔

دوحہ معاہدہ امریکا سے کیا،پاکستان ٹی ٹی پی کیخلاف ثبوت دے، افغان حکومت

ان کا کہنا تھا کہ یہ ہماری اعلانیہ پالیسی ہے  جو افغانستان کے قومی مفاد کے لیے بھی مقدم ہے اور امن و مفاہمت کی بھی ضامن ہے، تاہم ذبیح اللہ مجاہد کا کہنا تھا کہ ہم اپنی استعداد کے مطابق ہی پاکستان کی داخلی سلامتی کے حوالے سے تعاون فراہم کر سکتے ہیں ۔

The Taliban government arrested 200 TTP terrorists involved in the Chitral attack,طالبان حکومت نےچترال حملے میں ملوث200 ٹی ٹی پی دہشت گرد دھرلئے