جنرل عاصم منیر آرمی چیف بن گئے، صدر نے سمری پر دستخط کر دیئے

واضح رہے کہ کابینہ کے اجلاس کے بعد آج دوپہر کو وزیر اعظم نے سمری ایوان صدر کو ارسال کی تھی جس کے بعد میڈیا پر افواہوں اور قیاس آرائیوں کا ایک لامتناہی سلسلہ شروع ہو گیا تھا تاہم سمری پر دستخطوں کے بعد اب یہ سلسلہ رک گیا ہے۔

واضح رہے کہ صدر مملکت  ڈاکٹر عارف علوی نے آئین کے آرٹیکل 243 کے تحت وزیراعظم کی ایڈوائس پر منظوری دی ہے۔ سمری کی منظوری دیے جانے کے بعد وزیراعظم ہاؤس آرمی چیف اور چیئرمین جوائنٹس چیفس کی تعیناتیوں کا نوٹیفکیشن جاری کرےگا۔

ذرائع کا کہنا ہےکہ نئے آرمی چیف جنرل عاصم منیر اور  چیئرمین جوائنٹ چیفس آف اسٹاف کمیٹی جنرل ساحر شمشاد کی آج ہی وزیر اعظم اور صدر مملکت سے ملاقات ہوگی جس کیلئے دونوں شخصیات ایوان صدر پہنچ چکی ہیں۔