امدادی بوری کی تصویر کو پاکستان کی بنا کر کیا گیا جھوٹا پروپیگنڈا بے نقاب 

پاکستانی معیشت کے خلاف گھناؤنی سازش کا ایک اور نمونہ سامنے آگیا۔آٹے کی ایک امدادی بوری کی تصویر سوشل میڈیا پر وائرل کر کے پروپیگنڈا کیا گیا کہ غیر ملکی امدادی سامان پاکستان میں دکانوں پر فروخت کیا جا رہا ہے۔یہ تصویر چند گھنٹوں کے اندر اندر اقوام متحدہ کے سیکرٹری جنرل کو 600 سے زائد مرتبہ ٹیگ کی گئی۔اقوام متحدہ کے سیکرٹری جنرل سے مطالبہ کیا گیا کہ پاکستان کو امداد نہ دی جائے کیونکہ امداد دکانوں پر جا رہی ہے۔حقیقت یہ ہے کہ یہ تصویر 2014 کی ہے اور یہ تصویر بھارت میں لی گئی تھی۔ اس کے علاوہ ایک اور سچ یہ ہے کہ برطانوی امداد پاکستان میں آج پہنچی جبکہ یہ تصویر گزشتہ روز یعنی ہفتے کے روز ہی وائرل کر دی گئی تھی۔