یمن سے اسرائیل پر ہائپر سونک میزائل سے حملہ

یمن کی جانب سے اسرائیل پر ہائپر سونک میزائل حملے کے بعد تل ابیب ائیرپورٹ عارضی طور پر بند کر دیا گیا۔
میزائل حملوں کے بعد اسرائیل کے مختلف علاقوں میں سائرن بجنا شروع ہوئے۔ تل ابیب ایئرپورٹ کو بھی عارضی طور پر بند کردیا گیا۔
اسرائیلی فوج نے اس حوالے سے بیان میں کہا کہ یمن سے بحیرہ روم کے اوپر آنے والے ڈرون کو مار گرایا گیا۔ ڈرون کو اسرائیلی بیٹرے میں میزائل سے لیس کشتی کے پہنچنے سے قبل ہی تباہ کردیا گیا۔

اسرائیل کا گولان کی پہاڑیوں پر یہودی بستیوں میں توسیع کا اعلان، آئرلینڈ سے سفیر واپس بلا لیا

حماس کی جانب سے 7 اکتوبر 2023 کو کیے جانے والے غیر معمولی حملے کے بعد سے حوثی گروپ ’‘ انصار اللہ’’ ڈرونز اور میزائلوں کے ذریعے اسرائیل پر حملے کر رہا ہے۔ حوثیوں نے بحیرہ احمر میں اسرائیلی بحری جہازوں کو نشانہ بنانے کی دھمکی بھی دی۔