یحییٰ سنوار کو شہید کرنے والے اسرائیلی فوجی کی شناخت
فلسطینی نوجوانوں نے حماس کے سربراہ یحییٰ سنوار کو شہید کرنے والے اسرائیلی فوجی کی شناخت سے متعلق انکشاف کردیا۔
القدس نیوز کے مطابق سوشل میڈیا پر جاری ایک ویڈیو میں فلسطینی نوجوانوں نے اسرائیلی فوجی کی شناخت ظاہر کی ہے۔
فلسطینی نوجوانوں کے ایک گروہ نے انکشاف کیا ہے کہ اسرائیلی فوجی اسحاق کوہن، وہ شخص ہے جو حماس کے رہنما یحییٰ سنوار کے قتل میں ملوث تھا۔
انہوں نے اس حوالے سے ایک ویڈیو سوشل میڈیا پر شیئر کی ہے جس میں اسرائیلی فوجی کی شناخت کی تفصیل دی گئی ہے جبکہ ویڈیو میں ایک کال ریکارڈنگ بھی شامل ہے۔
ویڈیو میں اسرائیلی فوجی کی شناخت کی مزید تفصیلات بھی فراہم کی گئی ہیں، جن میں اس کے خاندان کی تصاویر، اس کی حرکات کی معلومات اور فلسطینی علاقوں میں "ابو ابراہیم کے بیٹوں” کی طرف سے ایک براہ راست پیغام بھی شامل ہے۔
خیال رہے کہ حماس کے رہنما یحییٰ سنوار کو گروہ میں ابو ابراہیم کے طور پر یاد کیا جاتا ہے۔
یحییٰ سنوار کو اکتوبر 2024 میں اسرائیلی فوج کے تربیتی دستے کے ہاتھوں اس وقت شہید کیا گیا تھا، جب وہ ان سے لڑتے ہوئے شہید ہوئے تھے، جس کی تصدیق حماس کی جانب سے بھی کی گئی تھی۔