گھوڑا گلی ملوٹ میں گاڑی دن دہاڑے لوٹ لی گئی

مری سے سیل کے لیے جانے والی گاڑی کو گھوڑا گلی میں ملوٹ کے مقام پر موٹر سائیکل سوار ڈاکوؤں نے دن دہاڑے اسحلے کے زور پر لوٹ لیا اور فائرنگ  کر دی جس کے نتیجے میں گاڑی کا ڈرائیور زخمی ہو گیا، جسے فوری ریسکیو 1122 نے ٹی ایچ کیو ہسپتال منتقل کر دیا۔

زخم گہرے ہونے کے باعث بعد ازاں زخمی ڈرائیور کو راولپنڈی کے ہسپتال منتقل کیا گیا فائرنگ سے شہری کے زخمی ہونے کے واقعہ پر سی پی او  راولپنڈیسید خالد محمود ہمدانی نے نوٹس لیتے ہوئے ایس ایچ او مری کو فوری کارروائی کرنے اور ملزمان کی گرفتاری کا حکم دیا۔ پولیس موقع پر پہنچ گئی اور موقع سے شواہد اکھٹے کیے گئے۔ واضح رہے کہ مری کی حدود میں ڈکیتی کے دوران فائرنگ کے واقعات کی ماضی میں کوئی مثال نہیں ملتی۔ عوامی حلقوں نے اس صورت حال پر تشویش ظاہر کرتے ہوئے متعلقہ حکام سے کارروائی کا مطالبہ کیا ہے۔