پشاور،مداخیل میں مدرسے کی دیوار گر نے سے4بچے جاں بحق،9زخمی
 
پشاور خیبر پختونخوا کے ضلع خیبر کے علاقے مداخیل میں مدرسے کی دیوار گر گئی، جس کے نتیجے میں ملبے تلے دب کر 4بچے جاں بحق اور9زخمی ہوگئے۔

 ریسکیو ذرائع کے مطابق تحصیل باڑہ کے علاقہ مداخیل میں مدرسے کی پرانی دیوار گرگئی۔

ریسکیو ذرائع کے مطابق ملبے تلے دب کر مدرسے میں زیر تعلیم 4 بچے جاں بحق اور 9 بچے زخمی ہوگئے۔

ریسکیو ذرائع کا کہنا ہے کہ زخمیوں کو ابتدائی طبی امداد کے بعد پشاور منتقل کردیا گیا ہے۔