پاکستان اور آسٹریلیا کے میچ سے قبل بنگلورو میں دھماکا
پاکستان اور آسٹریلیا کے میچ سے قبل بنگلورو میں دھماکا
ورلڈ کپ 2023 کے تحت 20 اکتوبر کو شیڈول پاکستان اور آسٹریلیا کے میچ سے دو روز قبل بھارت کے شہر بنگلورو کے تجارتی مرکز میں ایک دھماکہ ہوا ہے، پاکستان کی قومی کرکٹ ٹیم بھی ان دنوں بنگلورو میں موجود ہے۔
Blast in Bangalore Raises Security concern for Pakistan and other Teams in World Cup pic.twitter.com/ezvEKqxxPP
— ٰImran Siddique (@imransiddique89) October 18, 2023
پانچ اکتوبر کو پاکستان اور بھارت کے درمیان احمد آباد میں کھیلے گئے میچ سے قبل بھارتی میڈیا نے دہشت گردی کا الرٹ جاری ہونے کی اطلاعات دی تھیں، جس کے بعد احمد آباد اسٹیڈیم اور اس کے اطراف میں سیکیورٹی بڑھا دی گئی تھی۔
بھارتی میڈیا کے مطابق دھماکہ بنگلورو کی ایک 4 منزلہ عمارت میں ہوا ہے، جس کے نتیجے میں عمارت میں آگ بھڑک اٹھی اور دیکھتے ہی دیکھتے پوری عمارت کو اپنی لپیٹ میں لے لیا۔
ابتدائی رپورٹس میں کہا گیا ہے کہ دھماکہ عمارت کی چھت پر واقع ”مڈ پائپ“ نامی ایک کیفے میں گیس سلنڈر پھٹنے کے باعث ہوا، دھماکے کے نتیجے میں 2 افراد بھی زخمی ہوئے ہیں۔