وزیراعظم سے ن لیگی اراکین اسمبلی کی الگ الگ ملاقاتیں

وزیراعظم شہباز شریف سے مسلم لیگ (ن) کے اراکین قومی اور صوبائی اسمبلیوں نے ملاقات کی ہے۔

لاہور میں وزیراعظم سے وزیر مملکت برائے خزانہ علی پرویز ملک، خواجہ سعد رفیق اور رانا مشہود نے الگ الگ ملاقات کی۔

وزیراعظم آفس کے مطابق ملاقات میں ملک کی مجموعی سیاسی صورتحال پر تبادلہ خیال کیا گیا۔

وزیر مملکت برائے خزانہ علی پرویز ملک بھی وزیراعظم سے ملے اس دوران محصولات سے متعلق امور پر بات چیت کی گئی۔

شہباز شریف سے ن لیگی رہنماؤں کی ملاقاتوں میں حلقوں کے امور بھی زیر بحث آئے۔