مودی ٹرافی دے کر کیوں بھاگے، وجہ سامنے آگئی
مودی ٹرافی دے کر کیوں بھاگے، وجہ سامنے آگئی
اتوار کو کھیلے گئے ورلڈ کپ 2023 کے فائنل میں بھارت کو آسٹریلیا کے ہاتھوں ناقابل یقین شکست کے بعد ناصرف بھارتی شائقین بلکہ ان کے وزیراعظم نریندرا مودی کا بھی منہ لٹکا نظر آیا۔
شائقین نے تو اپنی بھڑاس مودی کو ”پنوتی“ اور امپائر رچرڈ کیٹلبرو ”اپشگون“ قرار دے کر نکالی۔
لیکن وزیراعظم نریندرا مودی بھی جو ممکنہ طور پر بھارت کی جیت کو اپنی الیکشن مہم میں استعمال کرنے کا ارادہ رکھتے تھے، اپنی مایوسی کا اظہار کرتے صاف نظر آئے۔
یہ بھی پڑھیں دورۂ آسٹریلیا کے لیے پاکستان کی 18 رکنی ٹیسٹ ٹیم کا اعلان
بھارت کی ہار اور اپنے ممکنہ منصوبے کی ناکامی ان کے چہرے پر بے زاری کی صورت میں عیاں تھی، اور اسی بیزاری کی حالت میں انہوں نے آسٹریلوی کپتان پیٹ کیومنز کو ٹرافی تھمائی اور منہ موڑ کر چلتے بنے، جبکہ کپتان اس بے رخی پر حیرانی سے بھارتی وزیراعظم کی پیٹھ تکتے رہ گئے۔
یہ بھی پڑھیں وہاب ریاض کا پی ایس ایل نہ کھیلنے کا اعلان
نریندرا مودی کی اس حرکت کی ویڈیو خوب وائرل ہوئی اور انہیں کافی تنقید کا نشانہ بنایا گیا۔
لیکن وہ بھارتی ہی کیا جو اپنی غلطی مان جائیں، بھارتی عوام اپنے اس چہیتے وزیراعظم کے دفاع میں اٹھ کھڑے ہوئے اور ان کی آسٹریلوی کپتان سے بے رخی کی مختلف تاویلیں گھڑنا شروع کردیں۔
ایک سوشل میڈیا صارف نے مودی کی اس حرکت کو 17 سال پہلے کے واقعے جوڑ دیا۔
2006 کی آئی سی سی چیمپئینز ٹرافی کے دوران رکی پونٹنگ نے اس وقت کے بھارتی کرکٹ بورڈ کے صدر شرد پوار کو ٹرافی لینے کے بعد سائیڈ میں دھکیل کر اسٹیج سے اتار دیا تھا۔
یہ بھی پڑھیں دورۂ آسٹریلیا کے لیے پاکستان کی 18 رکنی ٹیسٹ ٹیم کا اعلان
سوشل میڈیا صارف آکاش اشوک گپتا نے لکھا، ’پونٹنگ کے کیے کا تماچہ کیومنز کو پڑ گیا‘۔
انہوں نے مودی کی حرکت کے بارے میں لکھا، ’یہ بھی ورلڈ کپ سے کم نہیں تھا، مودی صاحب نے بدلہ اچھا لیا، آخر کار ہم جیت گئے، کیا کریں، چھوٹی خوشیوں میں بڑی جیت سمجھنا سمجھداری ہے‘۔
Ponting ke kiye ka tamacha #Cummins ko pad gaya!
Ye bhi world cup se kam nahin tha..#Modi sahab ne Badla acha liya???????????????? aakhir kaar hum jeet gaye.. kya karein.. choti khushiyon mein badi jeet samajhna samajhdaari kehlati hai! #INDvAUS pic.twitter.com/cwYWpTofYk— Akassh Ashok Gupta (@peepoye_) November 19, 2023
ایک صارف نے لکھا کہ مودی نے پونٹنگ کے ’اپمان‘ کا بدلہ لے لیا۔
Modi ji ne Ricky Ponting ne jo apman kiya tha uska badla le liya
— Prakash J Thakor ???????? (@90Prakashthakor) November 20, 2023
کچھ صارفین نے پونٹنگ کی حرکت کے حوالے سے لکھا کہ ’شاید مودی کو پتا تھا کہ ان کے ساتھ کیا ہونے والا ہے، اس لیے وہ پہلے ہی نکل گئے‘۔