ممتاز نعت گو اور صاحب اسلوب شاعر مظفرؔ وارثی آج کے دن ہم سے جدا ہوئے تھے۔

مظفر وارثی (محمد مظفر الدین احمد صدیقی) 23دسمبر 1933ء کو میرٹھ میں پیدا ہوئے۔ آپ اردو کے صاحب اسلوب اور عہد ساز شاعروں میں اہم مقام رکھتے ہیں۔ حمد و نعت کے میدان میں ان کا کلام انفرادیت کا حامل ہے۔ اور یہی ان کی وجہ شہرت بنا۔ ان کی غزلیہ شاعری میں سادہ پیرایہ اظہار،  تغزل اور موسیقیت ان کے کلام کی خصوصیات میں شامل ہیں۔ وہ جب مشاعروں میں ترنم سے اپنا کلام سناتے تو سماں باندھا دیتے۔  ان کی غزل کے اچھوتے مضامین انھیں اپنے عہد کے دیگر شعراء سے ممیز و ممتاز بناتے ہیں۔ لیکن بدقسمتی سے ان کی غزل کو بری طرح نظر انداز کیا گیا۔ غزل کے علاوہ انھوں نے فلمی گیت بھی لکھے۔

ان کی ادبی خدمات کے اعتراف میں انھیں پرائڈ آف پرفارمنس سے نوازا گیا۔

28 جنوری 2011 کو لاہور میں ان کا انتقال ہوا۔

 

ﮐﻮﺋﯽ ﺗﻮ ﮨﮯ ﺟﻮ ﻧﻈﺎﻡ ﮨﺴﺘﯽ ﭼﻼ ﺭﮨﺎ ﮨﮯ،
ﻭﮨﯽ ﺧﺪﺍ ﮨﮯ
ﺩﮐﮭﺎﺋﯽ ﺑﮭﯽ ﺟﻮ ﻧﮧ ﺩﮮ، ﻧﻈﺮ ﺑﮭﯽ ﺟﻮ ﺁ ﺭﮨﺎ ﮨﮯ،
ﻭﮨﯽ ﺧﺪﺍ ﮨﮯ

۔۔۔۔۔۔۔۔۔۔۔۔۔۔۔

دیکھا جو غرق ہو کے محمد کی ذات میں

دونوں جہاں کا مرکز و محور ملا مجھے

۔۔۔۔۔۔۔۔۔۔۔۔۔۔۔

تو کجا من کجا

تو امیرِ حرم، میں فقیرِعجم
تیرے گن اور یہ لب، میں طلب ہی طلب
تو عطا ہی عطا، میں خطا ہی خطا
تو کجا من کجا، تو کجا من کجا

۔۔۔۔۔۔۔۔۔۔۔۔۔۔۔۔۔۔۔

جا زندگی مدینے سے جھونکے ہوا کے لا
شاید حضور ہم سے خفا ہیں منا کے لا

۔۔۔۔۔۔۔۔۔۔۔۔۔۔۔۔۔۔

زندگی تجھ سے ہر اک سانس پہ سمجھوتا کروں
شوق جینے کا ہے مجھ کو ، مگر اتنا تو نہیں

۔۔۔۔۔۔۔۔۔۔۔۔۔۔۔۔۔۔۔۔

سونے کی ترازو میں مرا درد نہ تولو
امداد سے غیرت کا گزارہ نہیں ہوتا

۔۔۔۔۔۔۔۔۔۔۔۔۔۔۔۔۔۔

کچھ نہ کہنے سے بھی چھن جاتا ہے اعزاز سخن
ظلم سہنے سے بھی ظالم کی مدد ہوتی ہے