مستونگ دھماکے میں جاں بحق افراد کی تعداد 53 ہوگئی
مستونگ دھماکے میں جاں بحق افراد کی تعداد 53 ہوگئی
بلوچستان کے ضلع مستونگ میں 12 ربیع الاول کو مسجد کے قریب ہونے والے خود کش دھماکے کا مقدمہ درج کر لیا گیا۔
گزشتہ روز ہونیوالے خود کش دھماکے میں ڈی ایس پی مستونگ سمیت 53 افراد جاں بحق
اور درجنوں شہری زخمی ہوگئے تھے۔
خودکش حملے کا مقدمہ نامعلوم حملہ آوروں کے خلاف کوئٹہ کے محکمہ انسداد دہشت گردی
(سی ٹی ڈی ) تھانے میں درج کیا گیا ہے، مقدمہ قتل، اقدام قتل، دہشت گردی اور
ایکسپلوسیو ایکٹ کے تحت درج کیا گیا ہے۔
ترجمان سی ٹی ڈی کے مطابق خودکش دھماکے کی تحقیقات جاری ہیں، تاحال کوئی گرفتاری عمل میں نہیں آئی۔