ماں بیٹے کے قاتلوں تک پہنچنے میں مری پولیس ناکام
ماں بیٹے کے قاتلوں تک پہنچنے میں مری پولیس ناکام
مری کے نواحی علاقہ سنیوہ یونین کونسل نمبلمیں ماں اور بیٹے کو پر اسرار انداز میں قتل کیے جانے کے واقعہ کو ایک ہفتہ گزر گیا لیکن ابھی تک پولیس قاتلوں تک نہ پہنچ سکی۔
مقتولہ کی بیٹی سمیرا بی بی اور داماد عقیل احمد اپنی فریاد لے کر مری پریس کلب پہنچ گئے۔
میڈیا سے گفتگو کرتے ہوئے انہوں نے کہا کہ چند ماہ قبل مقتول صغیر احمد کو اس کے چچا
اور ان کے بیٹوں نے شدید تشدد کا نشانہ بھی بنایا تھا اب اس قتل کو خودکشی کا رنگ دینے
کی کوشش کی جا رہی ہے۔
متاثرہ فیملی نے سوال اٹھایا کہ اگر یہ خودکشی مابن لی جائے تو مقتول خود کو زخمی
کر کے چھت پر کیسےلٹک سکتا تھا،
یہ واضح ہے کہ دونوں ماں بیٹے کو قتل کیا گیا۔ مقتولین کے لواحقین نے مری پولیس سے مطالبہ کیا
کہ وہ جدید طرز پر اس واقعہ کی تحقیقات کرے اور قاتلوں کو کیفر کردار تک پہنچا کر ان کو انصاف فراہم کرے۔
انہوں نے وزیر اعلیٰ پنجاب، آئی جی پولیس پنجاب، آر پی او اور سی پی او راولپنڈی سے فوری نوٹس لینے کا مطالبہ کیا ہے۔