غداری کے جرم میں تین سعودی شہریوں کو پھانسی
سعودی عدالت کے حکم پر مملکت سے غداری کرنے پر تین شہریوں کو سزائے موت دے دی گئی۔
سعودی وزارت داخلہ کے اعلامیے کے مطابق جن شہریوں کو پھانسی کی سزا دی گئی ہے وہ دہشتگرد تنظیموں سے وابستہ تھے۔
ان میں حنیفیس الھدلی، ماجدی بن محمد بن عطین الکعبی اور ریاض بن عامر بن مطر بن الکعبی شامل ہیں۔
عرب میڈیا کے مطابق تینوں ملزمان پر الزام تھا کہ انہوں نے دہشت گرد تنظیموں کی مدد کی اور دہشت گردانہ سوچ اختیار کرتے ہوئے خون ریزی کا حصہ بننے کی کوشش کی۔
اس کے علاوہ انہوں نے لوگوں کو مشتعل کیا.عدالتی سماعت کے بعد الزامات ثابت ہونے پر تینوں کو اتوار کے روز ریاض میں سزا دی گئی۔
Execution of three Saudi citizens for treason,غداری کے جرم میں تین سعودی شہریوں کو پھانسی