سندھ میں 2889 بند اسکول کھول دیے گئے
اساتذہ کی کمی کی وجہ سے بند تھے.تعلیمی اصلاحات کے سلسلے میں ایک اہم پیش رفت
وزیر تعلیم و ترقی معدنیات معدنیات سندھ سید سردار علی شاہ کی ہدایت عمل کرتے ہوۓ 2889 بند اسکولز کھول دیے گئے، مزکورہ اسکولز اساتذہ کی کمی کی وجہ سے بند تھے۔ صوبائی وزیر تعلیم سندھ سید سردار علی شاہ نے ایک بیان میں کہا ہے کہ سندھ میں تعلیمی اصلاحات کے عمل کو جاری رکھتے ہو ئے ہم نے اہم سنگ میل عبور کیا ہے، سندھ میں استاد کی کمی کے سبب اب کوئی بھی اسکول بند نہیں رہے گا۔
وزیر تعلیم سندھ نے کہا کہ بند اسکولز کو کھولنے کا حدف حاصل کرنے کے لیے ٹیچرز پلیسمیٹ کمیٹی تشکیل دی گئی جس کی تجاویز کی روشنی میں بند اسکول میں اساتذہ کی تعیناتی کر کے وہاں تدریسی عمل کو فعال بنا دیا گیا ہے۔ صوبائی وزیر سید سردار علی شاہ کی ہدایت پر محکمہ تعلیم سندھ کی طرف سے اساتذہ پلیسمینٹ کے تحت وائبل اسکولز میں اساتذہ کی تعیناتی کا نوٹیفکیشن جاری بھی کردیا گیا ہے، نوٹیفکیشن کے تحت 2587 اساتذہ کی بند اسکولز میں تعینات کردیا گیا ہے۔
اپنے بیان میں صوبائی وزیر نے واضع کیا ہے کہ اساتذہ کی تعیناتی یونین کونسل کی سطح پر کی گئی ہے تا کہ اساتذہ کی رسائی کو یقینی بنانے میں مدد مل سکے۔ صوبائی وزیر نے کہا کہ پسماندہ تعلقہ کے بند 169 اسکولز کا معاملہ عدالت میں زیر سماعت ہونے کی وجہ سے التواء کا شکار ہے، ان ڈپرائیو تعلقہ کے 169 اسکولز کو عدالتی فیصلہ کے تحت کھولا جاۓ گا۔ صوبائی وزیر تعلیم نے مزید کہا ہے کہ سندھ میں میرٹ پر ہونے والی 60 ہزار سے زائد بھرتیوں کی مدد سے اسکولز میں اساتذہ کی دستیابی کا عمل ممکن ہوا انہوں نے کہا کہ پلیسمینٹ پلان پر عمل درآمد کے سلسلہ کو جاری رکھا جاۓ گا جبکہ کسی استاد کی ریٹائر یا انتقال کی صورت میں فوری طور پر نیا استاد تعینات کردیا جاۓ گا۔
صوبائی وزیر تعلیم ہدایت دیتے ہوۓ کہا کہ استاد ایمانداری اور ذمہ داری کے احساس کے ساتھ بچوں کو پڑھائیں، انہوں نے کہا کہ نہ پڑھانے والے اساتذہ کے خلاف ایفیشنسی اینڈ ڈسیپلینری رولز کے تحت کارروائی ہوگی۔ وزیر تعلیم سندھ کا کہنا تھا کہ صوبائی حکومت نے تعلیمی اصلاحات کے تحت قابل ذکر اقدامات اٹھاۓ ہیں، ہم اپنی ذمہ داری پوری کرنے کی کوشش کر رہے ہیں، مگر اب کمیونٹی بھی اپنا سنجیدہ کردار ادا کرے، انہوں نے امید ظاہر کی نہ پڑھانے والے اساتذہ کے خلاف سماج کا ہر فرد اپنا کردار ادا کرے اور ضمن میں آنے والی شکایات کو سنجیدگی سے دیکھا جائے گا۔
2889 closed schools were opened in Sindh,سندھ میں 2889 بند اسکول کھول دیے گئے