سرکاری اسکیم کے تحت حج درخواستیں جمع کرانے کی تاریخ میں توسیع
پاکستانی عازمین حج کے لیے بڑی خوشخبری ہے کہ سرکاری اسکیم کے تحت حج درخواستوں کی وصولی میں 22 دسمبر تک توسیع کردی گئی ہے، آج حج درخواستیں دینے کی آخری تاریخ تھی، جس میں 10 دن کی توسیع کی گئی ہے۔
ترجمان وزارت خارجہ کے مطابق سرکاری حج اسکیم میں درخواستیں جمع کروانے کی تاریخ میں 22 دسمبر تک توسیع کی گئی ہے۔وزارت مذہبی امور نے یہ فیصلہ عازمینِ حج کے اصرار پر کیا اور 10 دن کی توسیع کردی گئی۔
یہ بھی پڑھیں نواز شریف کو مزید کتنے مقدمات میں سامنا کرنا ہے؟
ترجمان کے مطابق اسپانسرشپ اسکیم میں پہلے آیئے پہلے پایئے کی بنیاد پر درخواستیں وصول کی جا رہی ہیں
جبکہ بیرون ملک سے ڈالرز میں ادائیگی کرنے والے بلا قرعہ اندازی کامیاب کیے جائیں گے،
عازمینِ حج کے اصرارپروزارتِ مذہبی امورنے حجِ بدل پر 5 سالہ پابندی ختم کر دی۔
یہ بھی پڑھیں سکھوں کے خلاف بھارتی کارروائی کے شواہد سامنے آگئے
گزشتہ 5 سال کے دوران حج کرنے والے امسال حج درخواست دینے کے اہل قراردے دیے گئے،
اس کے ساتھ ساتھ یہ فیصلہ بھی کیا گیا ہے کہ اکیلی خواتین حلف نامہ فراہم
کرنے پر قابل اعتماد خواتین کے گروپ میں حج کر سکیں گی۔