دبئی میں جعلی عمرہ۔حج ویزے بیچنے والا گینگ پکڑا گیا
دبئی میں جعلی عمرہ۔حج ویزے بیچنے والا گینگ پکڑا گیا
تفصیلات کے مطابق دبئی میں عمرے اور حج کے جعلی ویزے فروخت کرنے والے گروہ کو گرفتار کرلیا گیا۔دبئی پولیس نے مذکورہ گینگ کو دھوکہ دہی کے الزام کے تحت گرفتار کیا ہے جو سوشل میڈیا پر جعلی عمرہ اور حج ویزے انتہائی کم فیس کے عیوض فروخت کر رہا تھا۔
دبئی پولیس کا کہنا ہے کہ فراڈ گروہ بینک ٹرانسفر کے ذریعے آسان ادائیگی کے جھانسے سے لوگوں کو دھوکہ دے رہا تھا۔پولیس کے مطابق، یہ گروہ خود کو مجاز ویزا ایجنٹ ظاہر کرتا تھا اور فوری ویزے کا وعدہ کرکے عوام سے رقم بینک اکاؤنٹس میں منتقل کرواتا تھا، رقم وصول کرنے کے بعد متاثرین کے فون نمبرز بلاک کردیے جاتے تھے ۔حکام نے عوام کو آن لائن اشتہارات اور ان کی آفرز سے ہوشیار رہنے کیلئے خبردار کیا ہے۔