حماس کے ہاتھوں یرغمال بنائی گئیں معمر خاتون کا ویڈیو پیغام وائرل
غزہ: حماس کے ہاتھوں یرغمال بنائی گئیں معمر خاتون اور بچے کا ایک ویڈیو پیغام وائرل ہوا ہے جس میں انھوں نے اپنے وزیراعظم نیتن یاہو سے غزہ پر بمباری بند کرنے کا مطالبہ کیا ہے۔
عرب میڈیا کے مطابق یہ ویڈیو فلسطینی تنظیم ’’تحریکِ اسلامی جہاد‘‘ کے عسکری ونگ القدس بریگیڈ نے ٹیلی گرام پر وائرل کی اور ویڈیو میں نظر آنے والی خاتون اور بچے کو مشروط طور پر رہا کرنے کا عندیہ بھی دیا۔
القدس بریگیڈ کے ترجمان نے کہا کہ معمر خاتون بیمار ہیں اس لیے انسانی ہمدردی کی بنیاد پر انھیں اور ایک بچے کو رہا کرنے کو تیار ہیں لیکن اس کے بدلے میں اسرائیلی فوج کو سیکیورٹی کے حوالے سے ہماری شرائط کو پورا کرنا ہوگا۔
سرايا القدس تنشر صورا لسيدة وفتى إسرائيليين من الأسرى المحتجزين لديها
#العربية pic.twitter.com/lMt7eC3l3x— العربية (@AlArabiya) November 9, 2023
ترجمان نے مزید کہا کہ اسرائیل غزہ کے ایک ایک انچ پر بمباری کر رہا ہے اس لیے یرغمالیوں کی حفاظت کی ذمہ داری سے دستبردار ہو رہے ہیں۔ اگر یرغمالیوں کو کچھ ہوا تو ذمہ دار اسرائیل ہوگا۔
یہ بھی پڑھیں یرغمالیوں کی رہائی کیلئے اسرائیل اور حماس کے درمیان اتفاق
ویڈیو میں اسرائیلی خاتون حنا کتزیر نے عبرانی میں کہا کہ ہمارے ساتھ جو کچھ بھی ہوا
اس کا ذمہ دار نیتن یاہو ہے جنھوں نے سنگین غلطیاں اور خمیازہ ہم نے بھگتا۔
نیتن یاہو کو عہدے پر رہنے کا کوئی حق نہیں۔
خاتون نے اسرائیلی وزیراعظم نیتن یاہو سے غزہ پر فوری طور پر بمباری بند کرنے کا مطالبہ بھی کیا۔
یہ بھی پڑھیں سکھوں کے ساتھ کشیدگی ،بھارت کا کرتار پور راہداری بند کرنے کا عندیہ
دوسری جانب اسرائیلی فوج کے ترجمان نے یرغمالی خاتون کی ویڈیو جاری کرنے کو نفسیاتی
دہشت گردی قرار دیتے ہوئے حماس کی سخت الفاظ میں مذمت کی۔