جاوید چوہدری شو میں زیادہ پٹائی کس کی ہوئی؟اصل کہانی سامنے آگئی

معروف اینکرپرسن اور سینئر صحافی جاوید چوہدری کے شو میں زیادہ پٹائی کس کی ہوئی؟اصل کہانی سامنے آگئی

شیر افضل خان ایڈوکیٹ  کی پٹائی کرنے والے سینٹر افنان اللہ کراٹے بلیک بیلٹ نکلے۔

کیمرے کی رینج میں لیگی سنیٹر کو مکا مارنے کی وجہ سے پی ٹی آئی کے وكیل کے غلبے کا تاثر پیدا ہوا۔

تفصیلات کے مطابق تحریک انصاف سے تعلق رکھنے والے اور چیئرمین عمران خان کے  وکیل شیر افضل خان مروت کی نواز لیگ کے سنیٹر افنان اللہ خان کے ساتھ لڑائی کا چرچا زبان زد عام ہے اور سوشل میڈیا پر ہر دوسرا شخص اس حوالے سے بات کر رہا ہے۔

اگرچہ یہ واقعہ افسوسناک اور میڈیا سمیت سیاست کے لیے عمومی بدنامی کا باعث بنا ہے مگر دونوں فریقوں کے حامی اپنے اپنے لیڈر کو لڑائی میں غالب ظاہر کر کے بازی لے جانے کے چکر میں ہیں۔

ایک عمومی تاثر بھی یہ پیدا ہوا ہے کہ لڑائی میں پہل کرنے والے تحریک انصاف کے وکیل شیر افضل خان ایڈوکیٹ نے افنان اللہ پر حملہ کر کے انہیں دو تین گھونسے رسید کیے اور اس طرح وہ "جیت” گئے تاہم اصل کہانی اس سے مختلف ہے۔
اس واقعے کے عینی شاہداور پروگرام کے میزبان سینئر صحافی جاوید چوہدری کا کہنا ہے کہ جب شیر افضل نے مکا مارا تو افنان اللہ ان کو دھکا دے کر کارنر میں لے گئے۔ اس کے بعد ان کو نیچے گراکر سینے پرچڑھ گئے اور تابڑ توڑ مکے برسائے۔ پھر منت سماجت کر کے شیر افضل کی گلو خلاصی کرائی گئی۔

جاوید چوہدری کے مطابق سنگل پسلی والے افنان اللہ نے جس طرح شیر افضل کو پیٹا، ہمارے لیے حیران کن تھا۔ تاہم ہمیں بعد میں پتا چلا کہ افنان اللہ کراٹے کے ماہر اور بلیک بیلٹ ہیں۔

یہاں یہ امر قابل ذکر ہے کہ میڈیا پر چلنے والی فوٹیج میں زیادہ تر شیر افضل ایڈوکیٹ کا افنان اللہ کو لگنے والا مکا ہائی لائٹ ہوا ہے کیونکہ وہ کیمرے کی رینج میں تھا ، جبکہ رد عمل میں جو کارروائی سنیٹر افنان اللہ نے ڈالی ، وه کیمرے کی پہنچ سے دور تھی جس کی گواہی صرف عینی شاہدین دے سکتے ہیں۔

Who was beaten the most in the Javed Chaudhry show? The real story came out,جاوید چوہدری شو میں زیادہ پٹائی کس کی ہوئی؟