بھارت میں پہلی اے آئی ٹیکنالوجی سے بنائی گئی ٹیچر متعارف

بھارت میں پہلی آرٹی فیشل انٹیلی جنس (اے آئی) ٹیکنالوجی کے ذریعے بنائی گئی سکول ٹیچر متعارف کروادی گئی ہے۔

انڈین میڈیا کے مطابق ریاست کیرالہ کے شہر Thiruvananthapuram میں اسکول نےمصنوعی ذہانت کی مدد سے تخلیق کردہ ٹیچر ’ آئرس‘ کو متعارف کروا کر نئی تاریخ رقم کر دی ہے۔

رپورٹ میں بتایا گیا ہے کہ آئرس بھارت کی پہلی ہیومنائیڈ روبوٹ ٹیچر ہے اور اسے مشہور ٹیک کمپنی کے تعاون سے تیار کیا گیا ہے، کمپنی کے مطابق یہ ہیومنائیڈ روبوٹ ٹیچر تین زبانیں بول سکتی ہے اور طلبا کے مشکل سوالات کے جواب دینے کی صلاحیت بھی رکھتی ہے۔

ربورٹ ٹیچر تیار کرنے والی کمپنی نے انسٹاگرام پر آئرس کی ایک ویڈیو بھی شیئر کی ہے جس میں وہ بچوں کے ساتھ کلاس روم میں موجود ہے۔

واضح رہے کہ آرٹی فیشل انٹیلی جنس (اے آئی) ٹیکنالوجی کی حالیہ پیشرفت سے لوگوں میں یہ خدشہ پیدا ہوا ہے کہ ان کی ملازمتیں خطرے میں ہیں، ایک رپورٹ میں اس خدشے کو درست قرار دیتے ہوئے پیشگوئی کی گئی کہ 30 کروڑ ملازمتیں جنریٹیو اے آئی سے متاثر ہو سکتی ہیں۔