برطانیہ الیکشن، پانچ فلسطین کے حامی امیدوار بھی کامیاب
برطانیہ الیکشن، پانچ فلسطین کے حامی امیدوار بھی کامیاب
لندن: برطانیہ کے عام انتخابات میں پانچ فلسطین کے حامی امیدوار کامیاب ہوگئے ہیں۔
عرب میڈیا کے مطابق کامیاب ہونے والے امیدواران میں لیبر پارٹی کے سابق امیدوار جیریمی کوربن بھی شامل ہیں، جیریمی کوربن نے بطور آزاد امیدوار کامیابی حاصل کی۔ سیاسی مبصرین کے مطابق جیریمی کوربن کو غزہ کے خلاف اسرائیلی جنگ میں مسائل پر بات کرنے پر کامیابی ملی۔
مزید خبریں پڑھیں
رپورٹ کے مطابق دیگر چار امیدوار وں نے بھی آزاد امیدوار کے طور پر کامیابی حاصل کی، جن میں شوکت ایڈم، جنوبی لیسٹر سے کامیاب ہوئے۔
الجزیرہ کے مطابق ایوب خان نے برمنگھم کے علاقے پیری بار سے سیٹ جیتی، عدنان حسین، بلیک بار سے کامیاب ہوئے، جبکہ اقبال محمد، ڈیوسبری اور بٹلی سے سیٹ جیت گئے۔