ایرانی بریگیڈیئر جنرل کی امریکا کو دھمکی

امریکا نے اسرائیلی حملے میں مدد کی تو بھرپور جواب دینگے، ایرانی بریگیڈیئر جنرل

پاسداران انقلاب کے چیف کمانڈر کے مشیر بریگیڈیئر جنرل ابراہیم جباری نے خبردار کیا ہے کہ اگر اسرائیل ایران پر حملہ کرتا ہے اور امریکا اس کی فوجی حمایت کرتا ہے تو ایران اس کا بھرپور جواب دے گا۔

ایران کے پریس ٹی وی کو دیے گئے انٹرویو میں جباری نے کہا، ’امریکیوں کو معلوم ہونا چاہیے کہ اگر وہ میدان جنگ میں اترتے ہیں اور اسلامی جمہوریہ ایران کے خلاف کارروائی کرنا چاہتے ہیں، تو ان کے اڈے، بحری جہاز اور مفادات ہمارے ہتھیاروں کی پہنچ میں ہوں گے۔‘

انہوں نے مزید کہا کہ ’اگرچہ امریکا اسرائیل کی حمایت کرتا ہے لیکن یہ غیر متوقع ہے کہ وہ کوئی احمقانہ قدم اٹھا کر ایران کے ساتھ تصادم میں ملوث ہو۔‘