امریکا اور برطانیہ کی اپنے شہریوں کو لبنان چھوڑنے کی ہدایت

امریکا اور برطانیہ نے اپنے شہریوں کو لبنان چھوڑنے کی ہدایت کردی۔

اسرائیل اور حزب اللّٰہ کے درمیان کشیدگی میں اضافہ ہوگیا، اسرائیلی فوج نے حماس اور حزب اللّٰہ کمانڈروں پر ٹارگٹڈ حملے بڑھا دیے۔

عرب میڈیا کا کہنا ہے کہ امریکا اور برطانیہ نے اپنے شہریوں کو فوری لبنان چھوڑنے کی ہدایت کر دی۔

لبنان میں امریکی سفارت خانے نے اپنے شہریوں کو ہدایت دیتے ہوئے کہا کہ امریکی شہری فوری طور پر کسی بھی میسر ایئرلائن سے واپسی کر لیں۔

عرب میڈیا کی رپورٹ کے مطابق لبنان میں گاڑی پر فضائی حملے میں حزب اللّٰہ کے اہم کمانڈر علی عبد علی شہید ہوگئے، جواب میں حزب اللّٰہ نے اسرائیلی اہداف کو راکٹوں اور توپوں سے نشانہ بنایا۔