عمران خان کو بیرون ملک بھجوانے کی کوششیں شروع؟

وزیر دفاع خواجہ آصف نے دعوی کیا ہے کہ ‏پاکستان تحریک انصاف کی کی قیادت اپنی جماعت کے بانی عمران خان کو بیرون ملک بھجوانے کی کوشش کر رہی ہے۔

گزشتہ روز ایک نجی ٹی وی کو انٹرویو میں خواجہ آصف نے دعویٰ کیا کہ  پی ٹی آئی والے خود بیرونی طاقتوں کو کہہ رہے ہیں کہ پاکستان پر دباؤ ڈالیں تاکہ عمران خان کو رہا کر کے بیرون ملک بھیجا جائے۔ اُن کا کہنا تھا کہ یہ بھی آپشن ٹرائی کی جارہی ہے.

انہوں یہ دعویٰ بھی کیا کہ بعض ملک عمران خان کو لینے کو تیار بھی ہیں۔ تاہم اس حوالے سے سوال کے جواب میں خواجہ آصف نے ملک کا نام بتانے سے گریز کیا۔