جیسن گلیسپی نے استعفیٰ دے دیا

پاکستان مینز کرکٹ ٹیم کے کے ریڈ بال کوچ جیسن گلیسپی نے اپنے عہدے سے استعفیٰ دے دیا۔

پاکستان کرکٹ بورڈ (پی سی بی) اعلامیہ کے مطابق جیسن گلیسپی کے مستعفی ہونے پر عاقب جاوید کو عبوری ہیڈ کوچ مقرر کردیا گیا ہے۔

پی سی بی کے مطابق عاقب جاوید کی پہلی اسائنمنٹ جنوبی افریقہ کے خلاف ٹیسٹ سیریز ہو گی۔

علم میں رہے کہ پاکستان مینز کرکٹ ٹیم کے ہیڈ کوچ جیسن گلیسپی نے جنوبی افریقہ جانے سے انکار کردیا تھا۔ جیسن گلیسپی نے ٹم نیلسن کے معاہدے میں توسیع نہ ہونے پر جنوبی افریقہ نہ جانے کا فیصلہ کیا۔

ذرائع کے مطابق انہوں نے ذاتی وجوہات کی بنا پر جنوبی افریقہ نہ جانے کا بورڈ کو بتایا ہے۔

خیال رہے کہ جیسن گلیسپی کو کل جنوبی افریقہ پہنچنا تھا، جہاں انہیں جنوبی افریقہ میں پری ٹیسٹ کیمپ کی نگرانی کرنا تھی۔