تھیٹر اداکار طاہر انجم پر پی ٹی آئی خاتون ورکر کا تشدد
تھیٹر اداکار طاہر انجم پر پی ٹی آئی خاتون ورکر کا تشدد
لاہور میں پنجاب اسمبلی کے باہر پاکستان تحریک انصاف (پی ٹی آئی) کے بھوک ہڑتالی کیمپ میں آئی ہوئی خاتون ورکرز نے اداکار طاہر انجم کی پٹائی کردی ہے۔
طاہر انجم پنجاب اسمبلی کے باہر سے گزر رہے تھے کہ پی ٹی آئی خاتون ورکرز نے انہیں تشدد کا نشانہ بنایا، خاتون نے طاہر انجم کو تھپڑ مارے اور ان کے کپڑے بھی پھاڑ دیے۔
مزید خبریں پڑھیں
پی ٹی آئی کی خاتون ورکر نے الزام لگایا کہ طاہر انجم نے بانی پی ٹی آئی کو دہشت گرد کہا تھا۔
اداکار طاہر انجم مسلم لیگ ن کلچرل ونگ پنجاب کے صدر ہیں۔
یاد رہے کہ لاہور میں پی ٹی آئی نے پنجاب اسمبلی کے داخلی گیٹ پر علامتی بھوک ہڑتالی کیمپ لگایا ہوا ہے۔
پنجاب اسمبلی میں اپوزیشن لیڈر احمد خان بھچر کا کہنا تھا کہ کیمپ بانی پی ٹی آئی کی رہائی اور مہنگائی کے خلاف لگایا ہے۔